ആലപ്പുഴ: ആലപ്പുഴ സെന്റ് ജോസഫ് കോളജിലെ ഗ്രീൻ ഇൻഷിയേറ്റീവ് കമ്മറ്റിയുടേയും ഭൂമിത്രസേനയുടേയും സംയുക്ത നേതൃത്യത്തിൽ പരിസ്ഥിതി സെമിനാർ നടത്തി. പരിസ്ഥിതിയേയും കൃഷിയെപ്പറ്റിയുമുള്ള സെമിനാർ പ്രമുഖ പരിസ്ഥിതി പ്രവർത്തകൻ കെ .വി ദയാൽ ഉദ്ഘാടനം ചെയ്തു. കോളജ് പ്രിൻസിപ്പാൾ ഡോക്ടർ റീത്താ ലതാ ഡിക്കോത്തോ അദ്ധ്യക്ഷത വഹിച്ചു. കോളജ് ഫിസിക്സ് വിഭാഗം മേധാവി ഡോക്ടർ റോസ് ലിനാ തോമസ്, ഡോക്ടർ കെ .ജെ ഡയന എന്നിവർ സംസാരിച്ചു. തുടർന്ന് സുവോളജി വിഭാഗം വിദ്യാർത്ഥികൾ "ഭൂമി മനുഷ്യന്റേതല്ല -മനുഷ്യൻ ഭൂമിയുടേതാണ്" എന്ന വിഷയത്തെ ആസ്പദമാക്കി നാടകം അവതരിപ്പിച്ചു.
