ഭാഗ്യചിഹ്നത്തിന് പേരിടാം സ്വർണ നാണയം സമ്മാനം നേടാം
ആലപ്പുഴ: 69-ാമത് നെഹ്റു ട്രോഫി ജലോത്സവത്തിന്റെ ഭാഗ്യചിഹ്നത്തിന് പേരിടാം. ഇക്കുറി ഭാഗ്യചിഹ്നമായി തിരഞ്ഞെടുക്കപ്പെട്ടിട്ടുള്ള വള്ളം തുഴഞ്ഞു നീങ്ങുന്ന കുട്ടിയാനയ്ക്കാണ് പേര് നിര്ദേശിക്കേണ്ടത് . വാട്സാപ്പിലൂടെയാണ് എന്ട്രികള് സമർപ്പിക്കേണ്ടത് ഭാഗ്യചിഹ്നത്തിന് നിർദേശിക്കുന്ന പേര്, നിർദേശിക്കുന്ന ആളുടെ പേര്, വിലാസം, ഫോൺ നമ്പര് എന്നിവ ഒറ്റ മെസേജ് ആയി 9074594578 എന്ന വാട്സാപ്പ് നമ്പരിലേക്ക് അയക്കണം. ഒരാള് ഒരു എന്ട്രി മാത്രമേ സമർപ്പിക്കാൻ പാടുള്ളൂ. ജൂലൈ 24ന് വൈകുന്നേരം അഞ്ചുവരെയാണ് പേര് നിർദ്ദേശിക്കുവാനുള്ള സമയം. വിജയിക്ക് മുല്ലയ്ക്കൽ നൂർ ഗോൾഡ് ആന്റ് ഡയമണ്ട്സ് നൽകുന്ന സ്വർണ നാണയമാണ് സമ്മാനം. ഫോൺ: +91 477-2251349
