ജയിലിൽ പുതുതായി പ്രവേശിക്കുന്ന തടവുകാരുടെ ബാഹ്യ/ആന്തരിക അവയവങ്ങൾ പരിശോധിച്ച് ആവശ്യമായ ടെസ്റ്റുകൾ നടത്തി റിപ്പോർട്ടുകൾ സ്വീകരിച്ച് സൂക്ഷിക്കണമെന്ന് ജയിൽ വകുപ്പ് ഉത്തരവിറക്കി. പ്രതികളെ അഡ്മിഷൻ എടുക്കുന്ന സമയത്ത് വാറണ്ട്,ഹെൽത്ത് സ്ക്രീനിംഗ് റിപ്പോർട്ട് എന്നിവയോടൊപ്പം ആന്തരിക അവയവങ്ങളുടെ ടെസ്റ്റുകൾ നടത്തിയത്തിന്റെ രേഖകൾ ഉണ്ടായെന്ന് ഏറ്റെടുക്കുന്നതിന് ചുമതലയുള്ള ഉദ്യോഗസ്ഥർ പ്രത്യേകം ശ്രദ്ധിക്കേണ്ടതാണെന്നും ഉത്തരവിൽ പറയുന്നു. അതോടൊപ്പം തന്നെ ജസ്റ്റിസ് കെ. നാരായണക്കുറുപ്പ് കമ്മീഷൻ ശുപാർശയുടെ അടിസ്ഥാനത്തിൽ ആരോഗ്യ വകുപ്പും മെഡിക്കൽ ഓഫീസറന്മാർക്ക് നിർദ്ദേശം നൽകി. പോലീസ് കസ്റ്റഡിയിലെടുത്ത് എത്തിക്കുന്നവരെ റീജനൽ പ്രൊഫൈൽ, സി.പി.കെ പരിശോധന,യൂറിൻ മയോഗ്ലോബിൻ,സി.ആർ.പിപരിശോധന ,അടിവയറിന്റെ അൾട്രാസൗണ്ട് സ്കാനിങ്ങ് തുടങ്ങിയ പരിശോധനകൾ നടത്തണമെന്നും ആരോഗ്യ വകുപ്പിന്റെ ഉത്തരവിൽ പറയുന്നു
വാർത്തകൾ വാട്ട്സ്ആപ്പിലൂടെ അപ്ഡേറ്റായി അറിയാനും അറിയിക്കാനും ഇവിടെ ക്ലിക്ക് ചെയ്യുക
ജയിൽ വകുപ്പിന്റെ ഉത്തരവ്
ആരോഗ്യ വകുപ്പിന്റെ ഉത്തരവ്
